આ પાનાનું પ્રુફરીડિંગ થઈ ગયું છે
૧૫૨
રાષ્ટ્રિકા
ભરતસમાજની ભક્તિ*[૧]
• રાગ કાફી •
જય જગરાયા ! ખૂબી તુજ ન્યારી,
હરિ ! તું હસાવને હિન્દ અમારી ! —
તું જગતારક, દુ:ખવિદારક, તારી દયા બહુ ભારી;
આશિષ દઈ કર આ શુભ અવસર જયજય મંગલકારી ! — હરિ.
રામ ને કૃષ્ણની પુણ્યભૂમિ તે આજ રહે ક્યમ હારી ?
શૂર ચઢાવ ગજાવ હવે તું, નૂર દીપાવ વધારી ! — હરિ.
એક જ સૂત્ર તું કર હિન્દપુત્રનું : ‘સેવું ન શુ ભૂમિ મારી ?”
એક ઉદેશ અને હિત એક જ, એક જ અંતર ધારી ! — હરિ.
ભારતસમાજ તું કર દ્રઢ પૂરો, જ્ઞાનબળે શણગારી;
યજ્ઞ જ આ પ્રભુ ! પાર ઉતારી, હિન્દની જો બલિહારી ! — હરિ.
ભાવિકિરણ કઈ દૂર હસે છે, હિન્દતિમિર દે વિદારી !
આશ સફળ ઈશ અદલ કરે તું, જયજય હિન્દ ઉદ્ધારી ! — હરિ.
- ↑ *આ તથા એની પછીનું “હિન્દનો વિજયડંકો”એ બે કાવ્યો સને ૧૯૦૨ માં અમદાવાદમાં મળેલી “ઇન્ડિયન નૅશનલ કૉંગ્રેસ”ને પ્રસંગે રચાયાં હતાં તથા કૉંગ્રેસમંડપમાં વહેંચાયાં હતાં.”