આ પાનાનું પ્રુફરીડિંગ થઈ ગયું છે
૨૧૪
રાષ્ટ્રિકા
ઊછળો સિંધુ જવા ઓળંગી :
સાવધાન ! સાવધાન ! ૩
ભારતબાંધવ, બાળક, બેની :
આજ પ્રભા ઝળકી રહે જેની !
ખોટ પડે માતાને કેની ?
સાવધાન !
આજ મળી તમ પુણ્યત્રિવેણી :
સાવધાન ! સાવધાન ! ૪
ધન્ય ઘડી, ને ધન્ય જ દહાડો !
આગળ મંગળ પગલાં માંડો !
પગલે પગલે દૃઢતા પાડો :
સાવધાન !
છો આગળ રહે ડુંગર આડો !
સાવધાન ! સાવધાન ! ૫
પાછળ દૃષ્ટિ હવે શી કરવી ?
ગયું તેની વાતો શી વરવી ?
ભારત આજ બની છે ગરવી :
સાવધાન !
અચળ મુક્તિજ્યોતે દૃગ ધરવી !
સાવધાન ! સાવધાન ! ૬
