આ પાનાનું પ્રુફરીડિંગ થઈ ગયું છે
૬૬
રાષ્ટ્રિકા
૨
હો, સ્નેહથાળી લાવજો !
મહીં પુણ્યકંકુ દીપાવજો !
સુખમીઠડું
શોભિત વડું
અમૃતશ્રીફળ સોહાવજો !
મહીં અમર કીર્તિકુસુમ વળી પમરાવજો !
મોંઘા અલૌકિકા મોતીડાં ય જમાવજો !
રે ધન્ય ભારતમાત આજે જાય પુત્ર વધાવવા !
આવો મધુર ગાતાં બધાં , તમ વીર ધન્ય સજાવવા !
૩
વીરા ! પધારો બારણે !
ઊભાં બધાં તમ કારણે :
હસતે મુખે
અમ સુખદુખે
ધાઓ સદા એએમ તારણે !
નથી કંઇ કીધું તમ અમૃતપદ સરખું કદી:
નથી કંઇ કીધું તમ દિવ્ય આંતરશું કદી:
પણ ‘વીર દાદા છે અમારા,’ એમાં કહી ઉર ફૂલિએ !
વીરા ! પધારો બારાણે ! તમ દર્શને દુખ ભૂલિયે !
