આ પાનાનું પ્રુફરીડિંગ થઈ ગયું છે
અંજલિ ગીતો
૭૧
થયું વર્ષ પસાર ! અહા, વીર કેખુશરો !
કંઇ વર્ષ અનેકશું એક પસાર થયું;
કંઇ વર્ષ હતું ન હતું ત્યમ ચાલી ગયું :
ગયું; - સાથ ગયો વળી શોકતણો ઊભરો.
તું ગયો; સહુ આજ વદે ‘તું જ વીર ખરો’ !
‘અમ પાસ તું હોત અરે, ‘ઘડી કૈંક ચહ્યું;
પણ માત્ર હવે સહુ તેં અહીં કીધું કહ્યું –
ફૂલ તે સહુનો અમ પાસ રહયો ગજરો.
દૂર દિવ્યપ્રકાશ વિષે ઝળકે વીર તું !
અમ આશ અમે એ પ્રકાશ વિષે જડિયે:
અંતર હ્યાં તિમિરે ગૂંચવાય બહૂ;
ભવપર્વત આ તિમિરે ચઢતાં પડિયે; -
કાર તેજ ઉરે ! ઉર – તાર ચઢાવ સહૂ !
વગડાવ સિતાર અમારી રહી શિર તું !
