આ પાનું પ્રમાણિત થઈ ગયું છે.
૮
જૂનાં આ વન, જૂની ઝાડીઓ,
ને જૂની જટા વડલાની છાય રે;
જોગીડા જૂના જૂના રે :
ઘાડી આશા દિલ ઘેરતી,
તેમાં પંથ પાડે અમ પાય રે;
જોગીડા જૂના જૂના રે.૬
જૂનાં તે કાળનાં મોજડાં,
ને છે જુનો અમારો ઘાટ રે ;
જોગીડા જૂના જૂના રે :
લીધાં તપોવ્રત સ્નેહનાં,
તહિં ઊભા અખંડ જોઈ વાટ રે;
જોગીડા જૂના જૂના રે૭
જૂનાં કમંડલ, બેરખા,
ને જૂનાં ભગવાં અમારી સાખ રે;
જોગીડા જૂના જૂના રે :
ભર્યાં કલ્યાણ અમ ઝોળીએ,
આવો, ચોળો અમારી ખાખ રે ! .
જોગીડા જૂના જૂના રે.૮
