આ પાનાનું પ્રુફરીડિંગ થઈ ગયું છે
હા ! મુગ્ધાનું હૃદય ઝડપી જીવવું ઝેર કીધું, આશા ઉંચી અફળ કરીને લૂંટી સૌન્દર્ય લીધું?' તે એ વૃત્તિ પ્રણય વહતી અન્યથા એ ન થાય, હોંશે હોંશે ઉર ઠલવતી એક ભાવે સદાય.
અંગો અંગે, હૃદય હૃદયે. જીવમાં જીવ જોડી, ભેદાભાવે તુજ હૃદયમાં એ થતી લીન કેવી ! વંચાતાંએ પ્રણયરસિકે ભાવ કયારે ન ભૂલે, ને અદ્વૈતે હૃદય રમતાં લાભહાનિ ન દેખે.
લાખો એવી સરસ સરિતા અર્પતી મિષ્ટ વારિ, ને વર્ષાથી જલદ ભરતે સ્વાન્તને, મિત્ર માની: તોએ ખારૂં હૃદય જરીએ ના કદી ક્ષાર છોડે, ને દિવ્યાત્મા પણ ન દિલથી ઉચ્ચ કર્તવ્ય ચૂકે.
૩૪૬
