માણસનો અવતાર મોંઘો
| માણસનો અવતાર મોંઘો દેવાનંદ સ્વામી |
માણસનો અવતાર મોંઘો
માણસનો અવતાર મોંઘો, નહીં મળે ફરી... ꠶ટેક
માન મરડાઈ મોટપ મેલી, ભજી લો હરિ;
નહીં તો જાશો ચોરાશીમાં જનમ બહુ ધરી... માણસ○ ૧
દુઃખ તણો દરિયાવ મોટો નહીં શકો તરી;
શામળિયાને શરણે જાતાં જાશો ઊગરી... માણસ○ ૨
નિર્લજ્જ તું નવરો ન રહ્યો ઘરધંધો કરી;
માયા માયા કરતો મૂરખ ના બેઠો ઠરી... માણસ○ ૩
ચેતી લે ચિત્તમાં વિચારી ચાલજે ડરી;
‘દેવાનંદ’નો નાથ ભજો, પ્રેમમાં ભરી... માણસ○ ૪