માર્યા રે મોહનાં બાણ
| માર્યા રે મોહનાં બાણ મીરાંબાઈ |
૩૪
માર્યા રે મોહનાં બાણ, ધુતારે મને માર્યાં મોહના બાણ. ટેક∘
ધ્રુને માર્યાં, પ્રહ્લાદને માર્યાં, તે ઠરી ના બેઠા ઠામ. ધુતારે∘
શુકદેવને ગર્ભવાસમાં માર્યાં, તે ચારે યુગમાં પરમાણ ધુતારે∘
હિરણ્યકશ્યપ મારી વા’લે ઉગાર્યો, પ્રહ્લાદ, દૈત્યનો ફેડ્યો છે ઠામ; ધુતારે∘
સાયર પાજ બાંધી વા’લે સેન ઉતારી, રાવણ હણ્યો એક બાણ ધુતારે∘
મીરાં કે પ્રભુ ગિરિધર નાગર, અમને પાર ઉતારો શ્યામ ધુતારે∘
અન્ય સંસ્કરણ
ફેરફાર કરોમાર્યા રે મોહનાં બાણ, ધુતારે
મને માર્યા મોહના બાણ.
ધ્રુવને માર્યા, પ્રહલાદને માર્યા,
તે ઠરી ના બેઠા ઠામ;
શુકદેવને ગર્ભવાસમાં માર્યા,
તે ચારે યુગમાં પરમાણ ... માર્યા રે મોહનાં.
હિરણ્યકશ્યપ મારી વા’લે ઉગાર્યો પ્રહલાદ
દૈત્યનો ફેડ્યો છે ઠામ;
સાયર પાજ બાંધી વા’લે સેના ઉતારી,
રાવણ હણ્યો એક બાણ ... માર્યા રે મોહનાં.
મીરાં કે પ્રભુ ગિરિધર નાગર,
અમને પાર ઉતારો શ્યામ ... માર્યા રે મોહનાં.