રાતી રાતી ચણોઠડી ને બીજું રાતું બોર
| રાતી રાતી ચણોઠડી ને બીજું રાતું બોર અજ્ઞાત |
રાતી રાતી ચણોઠડી ને બીજું રાતું બોર
રાતી રાતી ચણોઠડી ને બીજું રાતું બોર;
ત્રીજું રાતું ચોળિયું ને દુખિયું રાતું ચોળ.
કાળો કાળો કામળો ને બીજો કાગ;
તેથી કાળા મોવાળા ને ચોથો કાળો નાગ.
ધોળું ધોળું પતાસું ને તેથી ધોળું રૂ;
તેથી ધોળો રૂપિયો ને સૌથી ધોળું દૂધ.
પીળી પીળી હળદરડી ને બીજા પીળા પાન;
તેથી પીળો કેસરી ને ચોથું સોનું જાણ.