રૂપાળા છો રાજીવ લોચન
| રૂપાળા છો રાજીવ લોચન પ્રેમાનંદ સ્વામી |
પદ ૧૯૯૫ મું
રૂપાળા છો રાજીવ લોચન, ધર્મ તણા કુમાર વહાલા;
શોભાની છો સીમા મારા, નેણ તણા શણગાર વહાલા. ૧
ડાબી ભુજાના મૂળથી હેઠે, ત્રણ તસુ છે જો વહાલા;
છાપ તણાં એક ચિહ્નમાંઈ, નિત મન મારું રહેજો વહાલા. ૨
ડાબી કુણીથી હેઠો નૌતમ, ઉપરલે ભાગે વહાલા;
તિલ એક જોતાં મારા મનને, રૂડો બહુ લાગે વહાલા. ૩
ડાબા પગના અંગૂઠા, પાસેની આંગળિયે વહાલા;
નખને પાસે નાનો તિલ, મનમાં ધારી લહિયે વહાલા. ૪
એ આંગળી ને વચલી આંગળી, એ બેઉને મધ્યે વહાલા;
એક તિલ છે અતિ નૌતમ, જોયા જેવો સંધે વહાલા. ૫
ડાબા હાથના પોંચા ઉપર, સુંદર એક તિલ છે વહાલા;
એ માંહી તે મનડું મારું, વળગ્યું વિશેકે વહાલા. ૬
બે હાથના નખ નૌતમ, છે રાતા ચડિયાતા વહાલા;
અગ્ર ભાગે તીક્ષણ છે, અતિ રૂડા દેખાતા વહાલા. ૭
બે હાથની હથેળી છે, રાતી સુખધામ વહાલા;
હથેળીમાં રેખા થોડી, થોડી છે જો શ્યામ વહાલા. ૮
બે હથેળીના મૂળ ઉપર, આઠ તસુ જોતાં વહાલા;
છાપ તણાં બે ચિહ્ન અનુપમ, ચિત્તમાં પરોતાં વહાલા. ૯
કંઠ વચ્ચે તિલ એક અનુપમ, જોતાં દુઃખ જાયે વહાલા;
તેની પાસે નાનો તિલ એક, પ્રેમાનંદ ગાયે વહાલા. ૧૦
અન્ય સંસ્કરણ
ફેરફાર કરોરૂપાળા છો રાજીવ લોચન, ધર્મ તણા કુમાર વહાલા;
શોભાની છો સીમા મારા, નેણ તણા શણગાર વહાલા. ૧
ડાબી ભુજાના મૂળથી હેઠે, ત્રણ તસુ છે જો વહાલા;
છાપ તણાં એક ચિહ્નમાંઈ, નિત મન મારું રહેજો વહાલા. ૨
ડાબી કુણીથી હેઠો નૌતમ, ઉપરલે ભાગે વહાલા;
તિલ એક જોતાં મારા મનને, રૂડો બહુ લાગે વહાલા. ૩
ડાબા પગના અંગૂઠા, પાસેની આંગળિયે વહાલા;
નખને પાસે નાનો તિલ, મનમાં ધારી લહિયે વહાલા. ૪
એ આંગળી ને વચલી આંગળી, એ બેઉને મધ્યે વહાલા;
એક તિલ છે અતિ નૌતમ, જોયા જેવો સંધે વહાલા. ૫
ડાબા હાથના પોંચા ઉપર, સુંદર એક તિલ છે વહાલા;
એ માંહી તે મનડું મારું, વળગ્યું વિશેકે વહાલા. ૬
બે હાથના નખ નૌતમ, છે રાતા ચડિયાતા વહાલા;
અગ્ર ભાગે તીક્ષણ છે, અતિ રૂડા દેખાતા વહાલા. ૭
બે હાથની હથેળી છે, રાતી સુખધામ વહાલા;
હથેળીમાં રેખા થોડી, થોડી છે જો શ્યામ વહાલા. ૮
બે હથેળીના મૂળ ઉપર, આઠ તસુ જોતાં વહાલા;
છાપ તણાં બે ચિહ્ન અનુપમ, ચિત્તમાં પરોતાં વહાલા. ૯
કંઠ વચ્ચે તિલ એક અનુપમ, જોતાં દુઃખ જાયે વહાલા;
તેની પાસે નાનો તિલ એક, પ્રેમાનંદ ગાયે વહાલા. ૧૦