રે સ્નેહ વશ થઈ શામળિયો
| રે સ્નેહ વશ થઈ શામળિયો પ્રેમાનંદ સ્વામી |
રે સ્નેહ વશ થઈ શામળિયો
રે સ્નેહ વશ થઈ શામળિયો,
કહે છે પ્રાણજીવન પાતળિયો... રે સ્નેહ.. ટેક
રે રચના બ્રહ્માંડુંની રચાયે,
રે સગુણ સ્વરૂપ અક્ષર થાયે;
જેને વેદ જય જયકારી ગાયે... રે સ્નેહ.. ૧
રે મહા વિષ્ણુ આદિ અનંત કોટી,
રે ધરી દેહ મહાકૃતિ મોટી;
રહે અક્ષર રોમમાંહી લોટી... રે સ્નેહ.. ૨
રે એમાં રહે સહુ લય પામી,
રે અક્ષર અનંત કળા(ના) સ્વામી;
કા'વે પોતે નિર્ગુણ બહુ નામી... રે સ્નેહ.. ૩
રે જેમ અક્ષરમાં હું રહું છું,
રે તે સમજાવીને કહું છું;
સુણો એક દ્રષ્ટાંત દઉં છું... રે સ્નેહ.. ૪
રે શબ્દ બોલે નભમાં રહીને,
રે એક અનેક રૂપે થઈને;
સમજાવે વા'લો પ્રેમસખીનો કહીને... રે સ્નેહ.. ૫