વીરક્ષેત્રની સુંદરી/કામીજન વિષે છપ્પા
| ← પરનારી વિષયક કવિ શામળભટના છપ્પા | વીરક્ષેત્રની સુંદરી કામીજન વિષે છપ્પા ડો. રામજી (મરાઠી) ૧૯૧૪ |
કામીજનવિષયક કવિ શામળભટના છપ્પા
કામી ન જુએ કર્મ, કામિ જન ધર્મ ન ધારે;
કામીને શી શરમ, કામિજન મરે કે મારેઃ
કામી ન સૂજે કામ, શાસ્ત્રની વાત ન સૂજે;
કામી ન ભજે રામ, બુદ્ધિ એકે નવ બૂઝે;
કોટી અવગુણ કામીતણા, ધર્મ મારગે નવ ધસે;
અપજશ જે અવની ઉપરે, કામાતુરને તન વસે. ૧૯
કાં રાજા કાં રંક, કોણ નર કે કો નારી;
કામાતુરે કલંક, હોડ હિંમત જાય હારી;
પૃથ્વીમાં જે પાપ, રોગ ક્ષય આદિક દેહે;
ત્રિલોકમાં પરિતાપ, નકી પરનારી નેહે;
લાખો વીંછીની વેદના, દુખ દિવાનના દંડમાં;
શામળ કહે કોઈ રખે કરો, પ્રીત પરસ્ત્રી પંડમાં. ૨૦