શનિશ્ચરવારે સહુને કહ્યું રાખો હરિ સંગ હેત
| શનિશ્ચરવારે સહુને કહ્યું રાખો હરિ સંગ હેત દેવાનંદ સ્વામી |
શનિશ્ચરવારે સહુને કહ્યું રાખો હરિ સંગ હેત
શનિશ્ચરવારે સહુને કહ્યું, રાખો હરિ સંગ હેત, જાતર જોવા ભેળું થયું;
કુટુંબ કૂડો સંકેત, ભાવે ભજી લ્યો ભગવાનને꠶ ૧
આરત રાખીને ઓળખો, ગિરધર ગોપીના શ્યામ;
સરવે દેવોના દેવ છે, અંતે એનું છે કામ... ભાવે꠶ ૨
સેવક થાને(થજે) ઘનશ્યામનો, ટળશે તનડાના તાપ;
જીવ મુક્તના જોગમાં, વધશે મોટેરું માપ... ભાવે꠶ ૩
બ્રહ્મવિદ્યાના ભોમિયા, સાચા સંત સુજાણ;
દેવાનંદ કહે હરિદાસમાં, પીવા અમૃત રસપાન... ભાવે꠶ ૪