શિવ માનસપૂજા

શિવ માનસપૂજા [[સર્જક:|]]

શિવ માનસપૂજા

રત્નૈઃ કલ્પિતમાસનં હિમજલૈઃ સ્નાનં ચ દિવ્યામ્બરં
નાનારત્નવિભૂષિતં મૃગમદામોદાઙ્કિતં ચન્દનમ્
જાતીચમ્પકબિલ્વપત્રરચિતં પુષ્પં ચ ધૂપં તથા દીપં
દેવ દયાનિધે પશુપતે હૃત્કલ્પિતં ગૃહ્યતામ્ ||૧||

સૌવર્ણે નવરત્નખણ્ડરચિતે પાત્રે ઘૃતં પાયસં
ભક્ષ્યં પઞ્ચવિધં પયોદધિયુતં રમ્ભાફલં પાનકમ્
શાકાનામયુતં જલં રુચિકરં કર્પૂરખણ્ડોજ્જ્વલં
તામ્બૂલં મનસા મયા વિરચિતં ભક્ત્યા પ્રભો સ્વીકુરુ ||૨||

છત્રં ચામરયોર્યુગં વ્યજનકં ચાદર્શકં નિર્મલમ્
વીણાભેરિમૃદઙ્ગકાહલકલા ગીતં ચ નૃત્યં તથા
સાષ્ટાઙ્ગં પ્રણતિઃ સ્તુતિર્બહુવિધા હ્યેતત્સમસ્તં મયા
સઙ્કલ્પેન સમર્પિતં તવ વિભો પૂજાં ગૃહાણ પ્રભો ||૩||

આત્મા ત્વં ગિરિજા મતિઃ સહચરાઃ પ્રાણાઃ શરીરં ગૃહં
પૂજા તે વિષયોપભોગરચના નિદ્રા સમાધિસ્થિતિઃ
સઞ્ચારઃ પદયોઃ પ્રદક્ષિણવિધિઃ સ્તોત્રાણિ સર્વા ગિરો
યદ્યત્કર્મ કરોમિ તત્તદખિલં શમ્ભો તવારાધનમ્ ||૪||

કરચરણ કૃતં વાક્કાયજં કર્મજં વા
શ્રવણનયનજં વા માનસંવાપરાધમ્
વિહિતમવિહિતં વા સર્વમેતત્ક્ષમસ્વ
જય જય કરુણાબ્ધે શ્રીમહાદેવશમ્ભો ||૫||

|| ઇતિ શ્રીમદશંઙ્કરાચાર્યવિરચિતા શિવમાનસપૂજા સમાપ્તા ||

સ્તોત્ર-ધાર્મિક