શોભે છબી ઘનશ્યામ રે ભાળી વાગે છે ભાવ
| શોભે છબી ઘનશ્યામ રે ભાળી વાગે છે ભાવ દેવાનંદ સ્વામી |
શોભે છબી ઘનશ્યામ રે ભાળી વાગે છે ભાવ
શોભે છબી ઘનશ્યામની રે, ભાળી વાધે છે ભાવ;
જન્મ સુફળ થયો જોઈને, હાં રે નવ જોબન નાવ... શોભે
માથે સોનેરી મોળિયું રે, કાજુ સોનેરી કોર;
પેચ ઝુકેલા પાંપણિયે, હાં રે સખી નવલ કિશોર... શોભે
કુંડલ જડેલાં મોતીએ રે, માનું મીન સમાન;
ભાલે તિલક સોહામણું, હાં રે ભીનો વા’લાનો વાન... શોભે
અતિ અણિયાળી આંખડી રે, વાંકી ભ્રકુટી શ્યામ;
દેવાનંદ કહે દિલ રાખશું, હાં રે દોહ્યલી વેળાના દામ... શોભે