હાલરડાં/વીર! સૂઈ જા
< હાલરડાં
| ← બાળા પોઢો ને ! | હાલરડાં વીર! સૂઈ જા ઝવેરચંદ મેઘાણી |
નીંદરડી તું આવે જો. → |
વીર ! સૂઈ જા
સૂઈ જા રે સૂઈ જા !
કોડીલા કુંવર સૂઈ જા ! લાડકડા વીર સૂઈ જા!
તું રોઈશ તો તારી માતાજી મૂંઝાશે
વીર ! સૂઈ જા ! - કોડીલા૦
તું રોઈશ તો તારા દાદાજી દુખાશે
વીર ! સૂઈ જા ! – કોડીલા૦
તું રોઈશ તો તારા કાકાજી કચવાશે
વીર ! સૂઈ જા ! – કોડીલા૦
તું રોઈશ તો તારી ફૈબા ફાળે જાશે
વીર ! સૂઈ જા ! – કોડીલા૦
તને રામજી રમાડે,
તને લક્ષ્મણજી લડાવે
વીર ! સૂઈ જા! - કોડીલા૦
તને સીતાજી સુવરાવે,
તને જશોદાજી ઝુલાવે
વીર ! સૂઈ જા! – કોડીલા૦