હૈયાના ફૂટ્યા
| હૈયાના ફૂટ્યા દેવાનંદ સ્વામી |
દેવાનંદ
(કાઠિયાવાડ મુળીના સાધુ) સંવત્ ૧૯૦૪ માં હતા
પદ ૧ ધોળ
હૈયાના ફૂટ્યા, હરિ સંગ હેત ન કીધું;
લક્ષ ચોરાશી કેરૂં લગડું, માથે વ્હોરી લીધું રે. ટેક.
પેટને અરથે પાપ કરંતાઅ, પાથું વાળી નવ જોયું;
ચાર દિવસના જીવતર સારૂં, મન માયામા મોહ્યું રે. હૈયા○
જન્મ મરણ દુઃખ ગર્ભવાસના, તે નવ શકીઓ ટાળી;
માતપિતા સુત જુવતી સંગે, વિસર્યા તે વનમાળી રે. હૈયા○
આળસ ને અજ્ઞાન અતિશે, કામ બગાડ્યું તારૂં;
‘દેવાનંદ’ કહે દેખ વિચારી, માન કહ્યું તું મારૂં રે. હૈયા○