અખેગીતા/કડવું ૨૫ મું - પરબ્રહ્મનો ભેદ
| ← કડવું ૨૪ મું - જીવને અહંકાર સ્વરૂપની ઉત્પત્તિ | અખેગીતા કડવું ૨૫ મું - પરબ્રહ્મનો ભેદ અખો |
કડવું ૨૬ મું - શૂન્યવાદીનો વિતંડાવાદ → |
કડવું ૨૫ મું - પરબ્રહ્મનો ભેદ
હવે કહું મોટો પરબ્રહ્મ ભેદજી, જેણે કરી હોય દ્વૈતનો ઉચ્છેદજી;
જેને કહે અગમ અગોચર વેદજી, તે પદ જાણો સ્વસંવેદજી. ૧
સ્વસંવેદ તે પદ સદા, આપેં લહે તે આપને;
જેમ ધુંધવાતો અગ્નિ અચાનક, થાય શિખા તેજ તાપને. ૧
વને જોત્ય જ્વાળા અતિઘણી, દીસે જાજુલ્યમાન[૧];
ફટકીને[૨] થયો ફરફરો [૩], તેણે કાઢ્યું રૂપ નિદાન [૪] ૨
પરબ્રહ્મ વહનિ એમ જાણો, ઘટઘટ[૫] રહ્યો સમાય;
જેમ છે કાષ્ટ પાષાણમાંય, તે દેહસાથે થ્યો જાય [૬]. ૩
ધુંધતો[૭] ધોખે[૮] ભર્યો, તે શૂન્યવાદીનો વાદ;
ધૂમ્ર ભર્યો અતિ ધૂખલો, તે ચાલ્યો જાય અનાદ્ય. ૪
તે કાષ્ઠ નોહે કશાનું [૯] નોહે, કરે તે ઘોર અંધાર;
દારૂનાં દલથકી ટળ્યો, અને ઝળક્યો નહિ ઝાતકાર[૧૦]. ૫
તેમ શૂન્યવાદીને સત્તા ખરી, પણ આતમ નહિં ઉદ્યોત[૧૧] ;
કથે પણ તેહનો ક્લેશ ન ટલે, જેહવી ચિત્રામણની[૧૨] જ્યોત. ૬
જેમ ચિત્રદીપ દીસવા લાગે, પણ અજવાળું નવ થાય;
તેમ શૂન્યવાદી સર્વનાશ કહે, પણ મૂલ-મહિમા[૧૩] ન પ્રીછાય. ૭
તે પ્રપંચને મિથ્યા કહે, પરમાત્માને કહે નથી;
કર્મ ધર્મને તે પરઠે,કહે જગત સર્વે શૂન્યથી. ૮
કહે શૂન્ય ઉપજે શૂન્યે સમાયે, શૂન્યમાંહે સહુ સ્થિતિ કરે;
શૂન્યમાં આશય છે તેહનું, કહે મુઓ ફરી નહીં અવતરે. ૯
કહે અખો શૂન્યવાદી, ન પામે મૂલ-તંતને;
પ્રભુ પરમારથ તેહજ પામે, જે સેવે હરિ-ગુરુ-સંતને. ૧૦