આ તે શી માથાફોડ !/૮૯. બાને નથી ગમતું
| ← ૮૮. બાપુજી સાથે નથી | આ તે શી માથાફોડ ! ૮૯. બાને નથી ગમતું ગિજુભાઈ બધેકા |
૯૦. મને લાગી ગયું → |
: ૮૯ :
બાને નથી ગમતું
❊
બાને નથી ગમતું
ચંચળ અને લક્ષ્મી અંદર અંદર વાતો કરતાં હતાં.
ચંચળ કહે: “લક્ષ્મી મને તારા જેવી ઢોલણી બહુ ગમે છે. તારી જેમ જ એકલાં સૂવાની મરજી થાય છે.”
લક્ષ્મી કહે: “ત્યારે કેમ સીતી નથી ?”
ચંચળ કહે: “પણ બા ઢોલણી ભરાવે ત્યારે ના ? એ તો ભરાવતી જ નથી.”
લક્ષ્મી કહે : “હું બાને કહીશ કે ઢોલણી ઝટ ભરાવે.”
ચંચળ કહે: “પણ એ તો બાને મારા વિના નથી ગમતું ને મને ભેગી સુવરાવવા માટે ઢોલણી નથી ભરાવતી.”
લક્ષ્મી કહે: એવું તે હોય ?
ચંચળ કહે: “સાચે ! બા મને પરાણે ભેGગી સુવારે છે. મને તો નોખા સૂવું બહુ ગમે છે પણ બાને નથી ગમતું.”