એકતારો/મને મારનારા ગોળી છોડનારા
< એકતારો
| ← કંકુ ઘોળ જો જી કે કેસર રેળજો ! | એકતારો મને મારનારા ગોળી છોડનારા ઝવેરચંદ મેઘાણી |
નગરની રોશની નિરખવા નીકળ્યાં → |
મને મારનારા ગોળી છોડનારા
એને ઘેર હશે મારા જેવી જ મા,
એ હરેકને ધોળુંડાં ધાવણ પાઈ
ઉઝેર્યાં હોશે હૈયાહીર સમા. ૧.
કવિઓની કવિતામાં ગાયું હશે એણે,
માટીને પૂજી હોશે કહી 'મા’;
એ મને ય જે અંતરિયાળ મળે
તો બોલાવે કહી 'તમે કોણ છો મા?' ૨.
છો સંહારે ચડયા આજે પેટને કારણ,
એક જ વાત સેવાય છે ના—
એને મોતને પંથ ચડાવણ જીભ
બોલે છેઃ 'મારો, મારો, માગે છે મા !’ ૩.
- ↑ * જાપાની સૈનિકોને નિર્દેશીને કલ્પેલા ચીનાઈ જનેતાના ભાવો