← કડવું-૨૧ ઓખાહરણ
કડવું-૨૨
પ્રેમાનંદ
કડવું-૨૩ →
રાગ:સામેરી


કડવું ૨૨મું
રાગ : સાખી

હાંરે બેની તારે, વિછુવા કર કંકણ મુદ્રિકા ને હાર;
એ પુરુષ વિના પહેરે પ્રેમદા, તેનો ધીક પડ્યો અવતાર. (૧)

સેંથો ટીલડી રાખડી, નયને કાજળ કુમકુમ આડ;
પુરુષ વિના કરે પ્રેમદા, તેનો ધીક પડ્યો અવતાર. (૨)


(ચોપાઈ ચાલફેર)


બાઈએ છોડી નાખ્યા હાર રે, આ તું લે તારો શણગાર રે;
હું તો નહિ પામું ભરથાર રે, નહિ ઓઢું ઘાટડી રે. (૧)

બાણાસુર મારો બાપ રે, મારા કોણ જનમનાં પાપ રે;
મુને નહિ પરણાવે આપ, નહિ જોઉં વાટડી રે. (૨)