ગુજરાતની ગઝલો/નસીબ આજરાત
| ← સુંદિર મુખડું આપનું | ગુજરાતની ગઝલો નસીબ આજરાત [[સર્જક:|]] ૧૯૪૩ |
અદાવતમાં મહોબ્બત → |
ખુદાએ પાક ખોલિયું નસીબ આજ રાત,
પ્યારીએ દર્શન દીધું, નસીબ આજ રાત. ૧
દિલદારનું મુખ જોઈને સલામ હું કરું,
અલ્લાહની તારીફ કરૂં, નસીબ આજ રાત. ૨
વસ્લથી આરામનું દરખ્ત ફાલિયું,
ફળ્યો ફૂલ્યો હું પણ ફરૂં, નસીબ આજ રાત. ૩
ચિતરાશે 'અનલ હક' ખૂને જમીન પર, અગર,
મનસૂર સમ શૂળી ચઢું, નસીબ આજ રાત. ૪
લયલે–તુલ–કદ્રનો છે હિસ્સો મારે હાથ,
જાગતું કિસ્મત થયું, નસીબ આજ રાત. ૫
ચાહું હું શિર કપાય જ્યમ મનસૂરનું થયું,
ઉઠાવું તબક ઢાંકણું, નસીબ આજ રાત. ૬
બક્ષિસનો હું છું પૂરો, હકદાર ખુદાવંદ,
હુસ્નની જગાત લઉં ખુશી હું આજ રાત. ૭
- ↑ હાફિઝ પરથી ભાષાંતર