ન્હાના ન્હાના રાસ - ભાગ ૩/આવીગયો સામળો
| ← આયુષ્યનો ભયો ભોર | ન્હાના ન્હાના રાસ - ભાગ ૩ આવી ગયો સામળો ન્હાનાલાલ કવિ |
આહીરિયા અજાણ → |
૩૯, આવી ગયો સામળો
અહો ! એકદા અમારે ઘેર આવી ગયો સામળો;
કંઈ બ્રહ્મનૃત્યે નાચી વેણુ સુણાવી ગયો સામળો;
અને જીવની બુઝાતી જ્યોત જગાવી ગયો સામળો.
અહો ! એકદા અમારે ઘેર.
ભલા જ્યમ પોયણાંની પાંખડીમાં ચન્દ્ર ઘૂમે;
સરોવરના ઉરે જ્યમ મેઘની જળછાંય નમે;
હૃદયના બોલમાં જ્યમ બોલ રસરસિયાના રમે;
એમ આંખડી શું આંખડી લગાવી ગયો સામળો;
દૃગથી અબોલ આશિષો વરસાવી ગયો સામળો;
અહો ! એકદા અમારે ઉરે આવી ગયો સામળો.
♣