ન્હાના ન્હાના રાસ - ભાગ ૩/જાણતલ
| ← જગદીવડીઓ | ન્હાના ન્હાના રાસ - ભાગ ૩ જાણતલ ન્હાનાલાલ કવિ |
જીવનના જય → |
૩૪, જાણતલ
જાણતલ જોષી ! ત્હમે અગમનિગમ અવલોકો જો !
અવલોકી ઉચ્ચરો રે ! આગમના ભેદો ઉંડા.
જાણતલ માજી ત્હમે વાતા વાયરા વાંચો જો !
વાંચીને ભાખો રે ! શુકુન કોક સોહામણા.
જાણતલ પગી ! ત્હમે પુણ્યપાપપગલાં પરખો જો !
કેડી બતાવો, ઉતારો આ ભવભૂલભૂલામણી.
જાણતલ જોગી ! કાંઈ આવડ્યા અક્ષર લખજો જો !
સર્વસ્વત્યાગી વેરાગીના વેશની તિથિ કહો.
જાણતલ લોક ! ભલા, ત્હમે જીત્યાં, હું હારી જો !
ત્હો યે આતમ કોઈ જય ને આનન્દની પાંખે ઉડે.
♣