ન્હાના ન્હાના રાસ - ભાગ ૩/મોરલી બોલે છે
| ← માનવકુળ જાગે છે | ન્હાના ન્હાના રાસ - ભાગ ૩ મોરલી બોલે છે ન્હાનાલાલ કવિ |
મોરૂ ! મોરૂ ! → |
ઘેરી કુંજની ઘટાઓને છાંય હો ! મોરલી બોલે છે.
ક્ય્હાંથી ક્ય્હાંથી આવી વણદીઠા વાયુ વહે?
ક્ય્હાંથી ક્ય્હાંથી લાવી અણઉકલી વાતો કહે ?
આઘે આઘે દિશાઓને ઘાટ રે મોરલી બેાલે છે;
પેલી કાળની કાળંદરીને વાટ હો ! મોરલી બોલે છે.
આ તે ગુફાના ગાભ? કે અફાટ મહેરામણ પડ્યો?
આ તે અતળાં આભ?કે માનવલોકની કન્દરા ?
કોઈક બ્રહ્માડપારના કોલ હો ! મોરલી બોલે છે
કોના આવ્યા કહેણ ? કોના આવ્યા સોણલા ?
કોના સાંભળુ વેણ ? કોના આ પડઘા પડે ?
મ્હારા જીવનના મહાવન મ્હાય રે મોરલી બોલે છે,
મહાકાળની ઘટાએાને છાય હો ! મો૨લી બોલે છે
એક અણદીઠી અખંડ ને અનન્ત રે મોરલી બોલે છે,
'ઘટઘટમા વસન્ત છે, વસન્ત' હો ! મોરલી બોલે છે.