યુગવંદના/સમસ્યા
< યુગવંદના
| ← પ્યાસ | યુગવંદના સમસ્યા ઝવેરચંદ મેઘાણી ૧૯૩૧ |
તદ્દૂરે-તદ્વન્તિકે − → |
સુખને કારણે બાંધી મઝૂલી :
બાંધી ત્યાં આગ ક્યાંથી ઊઠી રે !
અમૃત-સાગરે સ્નાન કરતાં
વખડાં ક્યાંથી ઊભરાણાં રે !
હું રે ચકોરી ગઈ ચંદ્રીને ઝીલવાઃ
સૂરજ-તાપ ક્યાંથી તપિયા રે !
નીચાણ છોડીને ઊંચે ચડું ત્યાં –
ઊંડેરાં નીરમાં ડૂબી રે !
ધનની આશા જનમી અંતરે :
બચકી ચોર ગયા ચોરી રે !
જલની પ્યાસે જોયું ગગનમાં :
ગગનમાંથી કાળી લૂ ઝરી રે !