રસિકવલ્લભ/પદ-૩૯
| ← પદ-૩૮ | રસિકવલ્લભ પદ-૩૯ દયારામ |
પદ-૪૦ → |
પદ ૩૮ મું
સુણી એમ વદિયા ગુરુવચંનજી, તું સમ નથી કો મૂર્ખ જંનજી;
ભેદ શૂન્ય જો ગુરુ નિજ પેખેજી, શિષ્ય ગુરુને ભિન્ન નાં દેખેજી. ૧
અવર વસ્તુ જો છે નહિ લેશજી, ગુરુ કહે કહોને ઉપદેશજી;
ભેદ દૃષ્ટિ તુજ મત નહિ જ્ઞાંનજી, સુણ્યો ન ઉપદેષ્ટા અજ્ઞાનજી. ૨
ઢાળ
અજ્ઞાનીને અધિકાર નહિ, જ્ઞાની ન ભેદ લગાર;
તો તાહરે મત ઉપદેશનો, સંભવે નહિ જ વિચાર. ૩
એમ સુણી બોલ્યો શિષ્ય, વિનિત કરું સુણીયે સ્વામી;
એ વાત જૂઠી નથી, સાચી છે જ, કહું શિરનામી. ૪
એક ચન્દ્ર, દૃષ્ટિદોષવાળો દેખે ઉભયાકાર;
દેખનારો પણ સત્ય ન કહે, સમજી નેત્ર વિકાર. ૫
નિત્ય પ્રત્યે એક વિલોકીયો તે, સત્ય માને મંન;
પરિણામ મિથ્યા મિથુન થાતાં નિર્મળાં લોચન. ૬
સુણ શિષ્ય શશિ સાચો ન છળતો શું દૃષ્ટિ બે આવે?
જો જોનારો નથી સત્ય તો, બે ચન્દ્ર કોણ બતાવે? ૭
શ્રોતા ન સાચો હોય તો કહે કોણ આગળ વાત?
સાકાર સાચા દયાપ્રીતમ, સત્ય ભવ સાક્ષાત્. ૮