મુખ્ય મેનુ ખોલો

વિકિસ્રોત β

રસિકવલ્લભ/પદ-૪૯

< રસિકવલ્લભ
Padlock-red.svg
આ કૃતિ/પૃષ્ઠની ભૂલશુદ્ધિ પૂર્ણ થતા આ પૃષ્ઠના લેખનને સુરક્ષિત કરી દેવામાં આવ્યું છે. આ પૃષ્ઠ પર પ્રબંધક સિવાય અન્ય સભ્યો ફેરફાર કરી શકશે નહીં. જો આપ આમાં કોઈ સુધારો સૂચવવા માંગો તો ચર્ચાના પાના પર આપની ટિપ્પણી મૂકશો.
← પદ-૪૮ રસિકવલ્લભ
પદ-૪૯
દયારામ
પદ-૫૦ →


<poem>પદ ૪૯ મું

કર્મ અને જ્ઞાન કરતાં ભક્તિની અધિકતા

કર્મજ્ઞાનનું ફળ ભક્તિજી, શ્રીગીતા શ્રીમુખ કરી વ્યક્તિજી; કર્મ પૂર્વ ભાખ્યું પછી જ્ઞાનજી, છેલ્લી ભક્તિ કથી ભગવાનજી. ૧ કર્મે કરવી સત્ત્વની શુદ્ધિજી, જ્યાંલગી હરિમાં લુબ્ધ ન બુદ્ધિજી; શ્રવણાદિક શ્રદ્ધા જાગીજી, થવું કર્મથી પછી વીતરાગીજી. ૨

ઢાળ

વીતરાગી થાવું કર્મજડથી, ભક્તિમાં વિક્ષેપ; વિશ્વાસ દૃઢ હરિ સેવતાં, કર્મનો ન અડે ચેપ. ૩ તું કહેશ કર્મ કદા ન તજવાં, વેદ વાણી ખ્યાત; સર્વાત્મભાવે હરિ શરણ, નથી ગયા તેહની વાત. ૪

ભક્તિથી તમામ ધર્મો હેઠ સહુ કર્મ તજી હરિને ભજે તેથી ધર્મ સહુ ઠેઠ; ત્રય કોટિ ઋષિ તે ભક્ત કર્મની, ભોગવે છે વેઠ. ૫ હરિભજન અર્થે સ્વધર્મ મૂકે, કદિ પડે જો કાચો; તોપણ નથી જ અભદ્ર તો, શો લાભ સ્વધર્મ સાચો. ૬ શત જન્મ સ્વધર્મનિષ્ઠ નર, લોકે વિરંચિ જાય; ભગવદી તેજ તનું તજે, પદ પરમ પ્રાપ્તિ થાય. ૭ સેવા સદા શ્રીકૃષ્ણ કરવી, તે જ વર એક કર્મ; જન દયાપ્રીતમ જગન્નાથજી, વદ્યા મોટો ધર્મ. ૮ -૦-