રાસતરંગિણી/રાજવણ
| ← ભાભી | રાસતરંગિણી રાજવણ દામોદર બોટાદકર |
માતૃગુંજન → |
રાજવણ
( અંજનીના જાયા હનુમાન રે ! સમરૂ બજરંગી–એ ઢાળ)
સખિ ! ધીરે-ધીરે પગ ધાર રે, રાજવણ રંગભીની !
ઘડી ઘેરાતી અાંખડી ઉઘાડ રે, રાજવણ રંગભીની !
નવા જગની આ વાટડી નિહાળ રે, રાજવણ રંગભીની ! હસે હૈયાનાં હેત જો ! હજાર રે, રાજવણ રંગભીની !
મધુર-મધુર મુખ મરકતો, ઊભો ઉર આધાર; કરમાં કર દઈ કેાડથી એની શીળી શી છાંયડીમાં ચાલ રે, રાજવણ રંગભીની !
સખિ ! ધીરે-ધીરે પગ ધાર રે, રાજવણ રંગભીની ! ઘડી ઘેરાતી આંખડી ઉઘાડ રે, રાજવણ રંગભીની ! નવા જગની આ વાટડી નિહાળ રે, રાજવણ રંગભીની ! હસે હૈયાનાં હેત જો ! હજાર રે, રાજવણ રંગભીની !
પ્રિયજન પ્રેમભર્યાં કરે સુખશીળો સત્કાર, આતુર ઉર ઉછળી રહે તને ઊંચો દેવા અધિકાર રે, રાજવણ રંગભીની !
સખિ ! ધીરે-ધીરે પગ ધાર રે, રાજવણ રંગભીની ! ઘડી ઘેરાતી આંખડી ઉઘાડ રે, રાજવણ રંગભીની ! નવા જગની આ વાટડી નિહાળ રે, રાજવણ રંગભીની ! હસે હૈયાનાં હેત જો ! હજાર રે, રાજવણ રંગભીની !
કોમળ કૈં કુસુમો ખરે, વિધિનું વરસે વહાલ, અમીઝરણાં જગનાં ઝરે, એનો અંતરમાં ઝીલજે ઉછાળ રે, રાજવણ રંગભીની !
સખિ ! ધીરે-ધીરે પગ ધાર રે, રાજવણ રંગભીની ! ઘડી ઘેરાતી અાંખડી ઉધાડ રે, રાજવણ રંગભીની !
નવા જગની આ વાટડી નિહાળ રે, રાજવણ રંગભીની !
હસે હૈયાનાં હેત જો ! હજાર રે, રાજવણ રંગભીની !
પુણ્યભર્યાં પરિણામ એ, સુરપુરનો સંચાર,
પ્રભુનો પંથ પવિત્ર એ,
એનો ઊંચો આદેશ એ ઉદાર રે, રાજવણ રંગભીની !
સખિ ! ધીરે ધીરે પગ ધાર રે, રાજવણ રંગભીની !
ઘડી ઘેરાતી અાંખડી ઉઘાડ રે, રાજવણ રંગભીની !
નવા જગની આ વાટડી નિહાળ રે, રાજવણ રંગભીની !
હસે હૈયાનાં હેત જો ! હજાર રે, રાજવણ રંગભીની !