શ્રી આનંદધન ચોવીશી/શ્રી મલ્લિનાથ સ્વામી
| ← શ્રી અરનાથ સ્વામી | શ્રી આનંદધન ચોવીશી શ્રી મલ્લિનાથ સ્વામી આનંદધન |
શ્રી મુનિસુવ્રત સ્વામી → |
(૧૯) શ્રી મલ્લિનાથ સ્વામી
(રાગ: કાફી)
સેવક કિમ અવગણિયે હો મલ્લીજિન, એહ અબ શોભા સારી;
અવર જેહને આદર અતિ દીએ, તેહને મૂલ નિવારી હો... મલ્લિજન...
જ્ઞાન સ્વરૂપ અનાદિ તમારું તે લીધું તમે તાણી
જુઓ અજ્ઞાન દશા રિસાવી, જોતાં કાણ ન આણી હો... મલ્લિજન...
નિદ્રા સુપન જાગર ઉજાગરતાં, તુરિય[૧] અવસ્થા આવી;
નિદ્રા સુપન દશા રિસાણી, જાણીન નાથે મનાવી હો... મલ્લિજન...
સમકિત સાથે સગાઈ કીધી, સપરિવારશું ગાઢી;
મિથ્યામતિ અપરાધણ જાણી, ઘરથી બાહિર કાઢી હો... મલ્લિજન...
હાસ્ય અરતિ રતિ શોક દુગંછા, ભય પામર કરસાલી[૨];
નોકષાય ગજ ચઢતાં, શ્વાન તણી ગતિ ઝાલી[૩]... મલ્લિજન...
રાગદ્વેષ અવિરતિની પરિણતિ, એ ચરણ મોહના યોદ્ધા;
વીતરાગ પરિણતિ પરિણતમાં , ઉઠી નાઠા બોદ્ધા[૪] હો... મલ્લિજન...
વેદોદકામા પરિણામા, કામ્ય કરમ સહુ ત્યાગી;
નિષ્કામી કરુણારસ સાગર, અનંત ચતુષ્ક પદ ત્યાગી... મલ્લિજન...
દાન વિઘન વારી સહુજનને, અભયદાન પદ દાતા;
લાભ વિઘન જગ વિઘન નિવારક પરમ લાભરસ માતા... મલ્લિજન...
વીર્ય વિઘન પંડિત વીર્યે હણી, પૂરણ પદવી યોગી;
ભોગોપભોગ હોય વિઘન નિવારી, પૂરણ ભોગ સુભોગી... મલ્લિજન...
એ અઢાર દૂષણ વર્જિત તનુ, મુનિજન વૃદે ગાયા;
અવિરત રૂપક દોષ નિરૂપણ, નિર્દૂષણ મન ભાયા હો... મલ્લિજન...
છણ વિધ પરખી મન વિશરામી, જિનવર ગુણ જે ગાવે;
દીનબંધુની મહેર નજરથી. આનંદધન પદ પાવે હો. .. મલ્લિજન...