ઋતુગીતો/લોકગીતોમાં ઋતુગીતો/સરામણ આયો રે
| ← (૧૪) બેનડી રુવે પરદેશ | ઋતુગીતો બેનડી રુવે પરદેશ ઝવેરચંદ મેઘાણી |
(૧૬) પરદેશી પતિને → |
સરામણ આયો રે
[ મારવાડી પતિ-પત્ની વચ્ચેનો વિનોદ છે. સ્ત્રી શ્રાવણ માસે પિયર જવા માગે છે. પતિ કહે કે હું સાથે આવું. એ પ્રસ્તાવની. વિરુદ્ધ સ્ત્રી જે જે વાંધા બતાવે છે તેનો પુરુષ રદિયો આપે છે. ]
આ તે [૧]સરામણ આયો રે મારા સોજતીઆ સરદાર !
ભઁવરજી ! સરામણ આયો રે.
આ તો [૨] થે કેમ જાણ્યો રે મારી સદા રે સુવાગણ નાર !
ગોરાંદે ! થે કેમ જાણ્યો રે !
આ તો અંદર ધડૂકે હા મારા સોજતીઆ સરદાર !
ભંવરજી : [૩]અંદર, ધડૂકે હો !
[૪]માંકો પિયર મેલો રે મારા [૫]પાલીરા પરધાન !
ભઁવરજી પિયર મેલો રે !
મેં તો સાથે જી હાલાં રે મારી સદા રે સુવાગણ નાર !
ગોરાંદે ! સાથે જી આવાં રે.
મેં તો લાજે જી મરાં રે મારા સોજતીઆ સરદાર
ભઁવરજી ! લાજે જી મરાં રે.
થેં તો ઘૂંઘટો જી કાઢો રે, મારી સદા સુવાગણ નાર !
ગોરાંદે ! ઘૂંઘટો જી કાઢો રે.
થેં તો ગરમે જી મરાં રે મારા સોજતીઆ સરદાર !
ભઁવરજી ! ગરમે જી મરાં રે.
થેં તો ઝીણો ઝોલો ઓઢો રે મારી સદા રે સુવાગણ નાર !
ગોરાંદે મોરી ! ઝીણો ઝોલો ઓઢો રે.
[હે મારા પતિ! આ શ્રાવણ આવ્યો. હે મારી સુહાગણ સ્ત્રી ! તેં શી રીતે જાણ્યું ?
હે મારા પતિ ! આ ઈંદ્ર ગાજે છે તે પરથી જાણ્યું.
હૈ પતિ ! મને પિયર મોક્લો !
હે મારી ગોરી ! હું પણ સાથે આવું.
હે પતિ ! તો તો હું લાજી મરું.
હે ગોરી ! તો તમે ઘુંઘટ કાઢજો !
હે પતિ ! તો મને બફારો થાય.
હે ગોરી ! તો તમે બારીક ઓઢણું એાઢજો ! [ચાહે તેમ થાઓ, પણ હું સાથે તો આવે જ રહીશ ! ]