ન્હાના ન્હાના રાસ/મોરલો
| ← મોગરાની વેલ | ન્હાના ન્હાના રાસ - ભાગ ૧ મોરલો ન્હાનાલાલ કવિ |
અલી કોયલડી → |
૧૮
પુરનો મોરલો
પુરનો મોરલો, હો રાજ !
પુરમાં થનગન થનગન નાચે
પુરનો મોરલો, હો રાજ !
પુરનો મોરલો, હો રાજ !
સુખની શેરીઓ, હો રાજ !
આંગણ થનગન થનગન નાચે
સુખ નો મોરલો, હો રાજ !
પુરનો મોરલો, હો રાજ !
ફૂલની વાડીઓ, હો રાજ !
ફૂલડે થનગન થનગન નાચે
ફૂલનો મોરલો હો રાજ !
પુરનો મોરલો, હો રાજ !
રસનાં સરોવરો, હો રાજ !
રસભર થનગન થનગન નાચે
રસ નો મોરલો, હો રાજ !
પુરનો મોરલો, હો રાજ !
