ન્હાના ન્હાના રાસ - ભાગ ૩/જુગપલટાના રાસ
| ← જુગ જાગે | ન્હાના ન્હાના રાસ - ભાગ ૩ જુગપલટાના રાસ ન્હાનાલાલ કવિ |
ઝરમર ઝાંઝરી → |
પર, જુગપલટાના રાસ
અમે અખંડ ખેલિયે રાસ મહાજુગપલટાના,
અમે પ્રચંડ પ્રજ્જવળ્યા હુતાશ મહાજુગપલટાના.
શેષ સળક્યા ને ડુંગર ડોલિયા,
સાગરના ઝમકાર રે;
મેઘનાં દુંદુભી ગડગડ્યા, ને કાંઈ
વીજળીના ચમકાર: .
મહાજુગપલટાના.
પ્રલય કાળના ૫ડ્યા ચન્દરવા,
એવા અન્ધાર છવાયા રે;
પુણ્ય ને પાપની પાંખો વીંઝાય છે,
હૈયાએ ઝીલ્યા પડછાયા:
મહાજુગપલટાના.
અમે અખંડ ખેલિયે રાસ મહાજુગપલટાના;
અમે પ્રચંડ પ્રજ્જવળ્યા હુતાશ-
♣