મુખ્ય મેનુ ખોલો

વિકિસ્રોત β

રસિકવલ્લભ/પદ-૧૦

< રસિકવલ્લભ
Padlock-red.svg
આ કૃતિ/પૃષ્ઠની ભૂલશુદ્ધિ પૂર્ણ થતા આ પૃષ્ઠના લેખનને સુરક્ષિત કરી દેવામાં આવ્યું છે. આ પૃષ્ઠ પર પ્રબંધક સિવાય અન્ય સભ્યો ફેરફાર કરી શકશે નહીં. જો આપ આમાં કોઈ સુધારો સૂચવવા માંગો તો ચર્ચાના પાના પર આપની ટિપ્પણી મૂકશો.
← પદ-૯ રસિકવલ્લભ
પદ-૧૦
દયારામ
પદ-૧૧ →


પદ ૧૦ મું<poem>

સોરઠ સોમેશ્વર સુરસેવાજી, નાગેશ્વર ધુષ્મેશ્વર દેવાજી; અર્બુદાચલ અતિજ પ્રલંબાજી, આરાસુરમાં દેવી અંબાજી. ૧ સિદ્ધપુરે હું વળતો ધાયોજી, સરસ્વતીપ્રાચી જલપૂત ન્હાયોજી; બિન્દુસરોવર મજ્જન કીધુંજી, ગોવિંદ માધવ દર્શન લીધુંજી. ૨

ઢાળ

લીધું પરમ સુખ ડાકોર, ગોમતિ સ્નાન પૂરણ કોડ, સાક્ષાત્ શ્રીદ્વારકાપતિ નિરખિયા શ્રીરણછોડ. ૩ મહિસાગર નહાઈ, પાવાગઢ કાલિકા દેવી સેવ. પછી મેવાડે જઈ પૂજિયા, શ્રીએકલિંગજી મહાદેવ. ૪ પછી શ્રીજીદ્વારે હું ગયો, જે પરમ પાવન ધામ; મેં નિરખિયા શ્રીનાથજી, પરબ્રહ્મ પૂરણ કામ. ૫ સહુ તીર્થગુરુપુષ્કર તીરથ, ત્યાં સ્નાન કરી હરિ દર્શ; ચર્મન્વતી વેદિકા સુર નદી, નહાઈ પામ્યો હર્ષ. ૬ પછી વ્રજમંડળ ફરી આવિયો, એ મુખ્ય નામોચ્ચાર; જો વિધિવત્ વર્ણન કરૂં, તો ગ્રંથ થાય વિસ્તાર. ૭ એમ કહી પુનિત તીર્થાવળી, શ્રદ્ધા સુણે વા ગાય; તો દયાપ્રીતમ કૃષ્ણ રીઝે સહુ તીરથ ફળ થાય. ૮

(પૂર્ણ)