રસિકવલ્લભ/પદ-૨૨
| ← પદ-૨૧ | રસિકવલ્લભ પદ-૨૨ દયારામ |
પદ-૨૩ → |
પદ ૨૧ મું
વિશ્વ સકળ છે હરિનું રૂપજી, એકાંશે વ્યાપક વ્રજભૂપજી;
કરતા હરતા પોષક સ્વામીજી, સહુ ઘટવાસી અંતરયામીજી. ૧
માટે કોઈનો દ્રોહ ન કરવોજી, હરિ દુખાશે એ ભય ધરવોજી;
જે તે રીતે કોઈ તનુધારીજી, સુખી કરતાં ખુશી કુંજવિહારીજી. ૨
ઢાળ
કુંજ વિહારી રાજી રહે, જો દયા સહુપર હોય;
આત્મા ન કોઇનો દુઃખવે, નવ દોષ કોઈ કોઇનો જોય. ૩
સહુ દેવ હરિ અંગેથી ઉપન્યા, દાસ હરિનો જાણિ;
નિંદા અરિશ્યા ના કરે પણ ભજે સારંગપાણિ. ૪
શ્રી કૃષ્ણચંદ્ર વિના ન કોઈની, ભીતિ કહે કોઈ તૃષ્ણ;
સહેજે શિવાલય માર્ગે દીઠું, કરવા જયશ્રીકૃષ્ણ. ૫
હરિને વિષે સહુ વિશ્વ તે, હરિ પૂજતાં પૂજાય;
કોઈ કહે હું હરિમાં નથી, તેને પુજે અમારી બલાય. ૬
પ્રતિ પશુ પશુસેં ચિસાડો પ્રતિ પોલીએ શું મોંણ ?
સમજુ ન દેવા વિસરે, વડિ વડિ પ્રત્યે લોંણ. ૭
શિવ સ્ફુટ નમ્યા નહિ દક્ષને, દેખી દેહાભિમાન;
જન દયા પ્રીતમ કૃષ્ણ અંતરયામિ નમિયા ધ્યાન. ૮