મુખ્ય મેનુ ખોલો

વિકિસ્રોત β

રસિકવલ્લભ/પદ-૪

< રસિકવલ્લભ
Padlock-red.svg
આ કૃતિ/પૃષ્ઠની ભૂલશુદ્ધિ પૂર્ણ થતા આ પૃષ્ઠના લેખનને સુરક્ષિત કરી દેવામાં આવ્યું છે. આ પૃષ્ઠ પર પ્રબંધક સિવાય અન્ય સભ્યો ફેરફાર કરી શકશે નહીં. જો આપ આમાં કોઈ સુધારો સૂચવવા માંગો તો ચર્ચાના પાના પર આપની ટિપ્પણી મૂકશો.
← પદ-૩ રસિકવલ્લભ
પદ-૪
દયારામ
પદ-૫ →


પદ ૪ થું

ગુરુએ આપેલું વચન <poem> સુણીને એહવાં શિષ્ય વચનજી, હસી ગુરુ બોલ્યા પ્રફુલ્લિત મનજી; ન કરીશ ચિન્તા સુણ્ય હે તાતજી ! સર્વ સુધરશે તારી વાતજી. ૧ સઘળા સંદેશ તાહરા ટળસેજી, મન નિશ્ચલ થઈ હરિપદ મળશેજી; એહવો દીધો આશીર્વાદજી, કહે હે બાળક ! ધરી આહ્‌લાદજી, ૨

શિષ્યે ગુરુ સમક્ષ કરેલું યાત્રાવર્ણન ઢાળ

આહ્‌લાદ સહ સુત કહે, કર્યાં જે તીર્થ તે તે નામ; મુખી મુખી નદી પુરિ ક્ષેત્ર વદ્ય ગિરિસરાશ્રમ પ્રભુધામ. ૩

એહવું સાંભળીને શિષ્ય બોલ્યો કરિ ગુરુને પ્રણામ; સાંભળો સ્વામી કહું મુજને સ્મૃતિ શ્રેષ્ઠ જે જે નામ. ૪

મેં પ્રથમ શ્રીયમુના પુનિત જલ કર્યું સુંદર સ્નાન; શ્રીગોકુળ મથુરા વૃંદાવન ગિરિરાજ દર્શ મહાન, ૫

વન બાર ઉપવન ચોવિસ રાવલ બરસાણું નંદગ્રામ; ચોરાશિ કોશ પરિક્રમા, વ્રજ નિરખ્યા કેશવરામ. ૬

પછી ગયો નિમિશારણ્ય, બ્રહ્માવર્ત સોરમ ક્ષેત્ર; ત્યાંથી ગયો માયાપૂરી, હરિદ્વાર પરમ પવિત્ર. ૭

કર્યું સ્નાન શ્રીગંગાજીમાં પુજિયા પ્રભુ તત્‌ખેવ; જ્યહાં પધાર્યા છે દયાપ્રીતમ શ્રીમદ્વલ્લભ દેવ. ૮


(પૂર્ણ)