શ્રી આનંદધન ચોવીશી/શ્રી શ્રેયાંસનાથ સ્વામી
| ← શ્રી શીતલનાથ સ્વામી | શ્રી આનંદધન ચોવીશી શ્રી શ્રેયાંસનાથ સ્વામી આનંદધન |
શ્રી વાસુપુજ્ય સ્વામી → |
૧૧. શ્રી શ્રેયાંસનાથ જિન સ્તવન
(રાગ: ગોડી પ્રભાતી...)
શ્રી શ્રેયાંસજિન અંતરયામી, આતમરામી નામી રે,
આધ્યાત્મ મત પૂરણ પામી, સહજ મુગતિ ગતિ પામી રે... શ્રી શ્રેયાંસ... ૧
સયલ સંસારી ઈંદ્રિયરામી, મુનિગણ આતમરામી રે,
મુખ્યપણે જે આતમરામી, તે કેવળ નોષ્કામી રે... શ્રી શ્રેયાંસ... ૨
નિજ સ્વરૂપ જે જકિરિતા સાધે, તેહ અધ્યાતમ લહીએ રે,
જે કિરિયા કરી ચૌગતિ સાધે, તે ન આધ્યાતમ કહીએ રે... શ્રી શ્રેયાંસ... ૩
નામ અધ્યાતમ ઠવણ અધ્યાતમ, દ્રવ્ય અધ્યાતમ છંડો રે,
ભાવ અધ્યાતમ નિજ ગુણ સાધે, તો તેહશું રઢ મંડો રે... શ્રી શ્રેયાંસ... ૪
શબ્દ અધ્યાતમ અરથ સૂણીને, નિર્વિકલ્પ આદર જો રે,
શબ્દ અધ્યાતમ ભજના જાણી, હાણ ગ્રહણમતિ ધરજો રે... શ્રી શ્રેયાંસ... ૫
અધ્યાતમ જે વસ્તુ વિચારી, બીજા જાણ લબાસી રે,
વસ્તુગતે જે વસ્તુ પ્રકાશે, આનંદધન મતવાસી રે... શ્રી શ્રેયાંસ... ૬